الليلة شرايكم نغير شوى
الزهيريات جميلة
احب كتابتها جدا
لان فيها سحر القوافى
وسلاسة النظم
ومختلف المعانى
بنفس الكلمات
لا تامن الدهر .................. لو حن لك.........ياصاحبى لحظه
تراه..... شراة المهند................من تغفل .....يذبحك لحظه....
ويلاه........خشف المها...... زين الحيا............صادنى لحظه..
واضحيت اسير الهوى...........................عد السهارى....عدنى
ليلى مع نجم السما.............................لما تعيدهم .........عدنى
اسف منهو احبه...................اخلف كل ما.................وعدنى
واصبحت انا كالفنر...............يضوى وهو مشتعل..........لحظه
عدنى الاولى بمعنى احسبنى.................. عدنى الثانية بمعنى الزيارة للمريض وتكون بكسر العين وسكون الدال ...............الثالثة من الوعد
تحياتى
بو حمود
وتصبحون على شى حلو
6 Comments:
عجيب
بوحمود
مرزوق
مرقوق
برقوق
شلون احواله لازم تكتب بوست عنه
برقوق ومرقوق وولهان
على مرزوق
اكييد يوعان
ليش ما تيى
على الغدا باكر
على فكرة
سمعت نكتتة الشيطان المطيرى
يقولك شيطان مطيرى
عزم ربعه الشياطيين
على الغدا
قفل عليهم الباب
وشغل قران
عاد لا تخاف
ما نقفل عليك الباب
تحياتى
بو حمود
صح لسانك يا بوحمود
أبدعت بالزهيري
وكثر من الزهيريات
تراها نادرة هالأيام
وشعراء الزهيري هم نادرين
ودمتم سعداء مقرضين للشعر
شكرا جزيلا على الاطراء
وانشالله اعد بزهيريه اخرى
قريبا
وتو ما تبارك المكان
تحياتى
بوحمود
تشكر على هالزهيرية الأكثر من رائعة
الله يسلمك من كل شر
نورتى البلوج
وماراح اكل حلو اسبوعين
ترحيبا بالزيارة
الحلوه
يا سكره
تحياتى
بو حمود
Post a Comment
<< Home