صبحكم الله بالخير جميعا

يسعدلى صباحك ربي يصبحك بالخير ياجعلك كل صباح موجود

الله يجعل درب المسلمين تسهيل ويرحم حنون كريم بذل من جود

لا تزعل علي يا خوك مير الظروف تحكم ومني جود الخطا جود

هذي الدنيا مواسم مره تجر ناعم مره مرها مرمرنى وهدني

يا صاح لى شفتنى دايس لا تسفط موترك بدربى وخر وهدنى

مو كل وقت اتررك بعالى ساعات دق فلشر سايرنى وهدنى

وانته عزيز علي وحكم الرفاجه يقول لابد تغفر من الزلل كود

اخوكم بو حمود

لعشاق الزهيرى


الجو عاصف والعيون عمشه خلطت طالح بصالح


خلونا نبدى صفحه جديده و لاجل الكويت انتصالح


عل وعسى نشوف اطراف الحقيقة اذا نبذنا المصالح



لا تقول ذا ولد عمى وذاك متروس جيبه



لا تقول هيه عميه من عليه ترسى تجيبه



شوف منهو وقت الشدايد امل نرتجى به



صوتنا للعقل والنظافه والثقل ابماضى صالح


تحياتى

بو حمود

زهيريه مهداة لمحبى الزهيرى

من سالف الازمان والناس بين ايمان ....واشراك

هذا يفرش لك هدب عين وذاك ينصب لك اشراك

راحت النغصات واللقمه ما تنزل... بليا اشراك

حاسب من صاحبك ومن اللى تحن له .وتجيره

وش هالزمن ما بقت فيه نخوه ورفقه ...وجيره

الظاهرمنه حلو لو مو ضاربه بساتنه ...وجيره

اكثرهم يبيعك والسعد تلقا الذى يشراك

تحياتى

بو حمود

اهداء لمحبين الزهيرى

قريت من دواوين الغدر الف طبعه وطبعه

عاذلى لى شاف مركب يتفنن ليمن يطبعه

هاذى سايته وكسر القلوب هوايته وطبعه

ما يحب السعاده بمحيطه او لمن كان قربه

معرفته تعاسه. منى الخطااعترف واقر به

اكيد ما تسمع الموتى ولا من كان وقر به

مقيوله قبل بو طبيع ما يجوز عن طبعه

تحياتى
اخوكم
بو حمود

مثلك انا سامر حبيبى بريحاتى على اليال

هوجاس فكرى بين السحب طايرن يال

مدرى نهارى سلوتى مدرى نجم وليال

بس ادرى انى بشوفتك قلبى يحس راحه

مثل المتاريس ليمنها ارهمت دايره براحه

يقولون كل شى ينكتب عالجبين والراحه

وانا حبك بقلبى وسم وبكل الشرايين يال

تحياتى

بو حمود

هديه للعزيز الغالى

بو عزيز

يا وجه الخير موجود للديره رجعنا وعدنا

ما نرخص الغالى ابد وقط ما نخلف وعدنا

من زود فرح هلتك ضاعت حسبتنا وعدنا

دوم الموده حاضره ولا حاجب حجبها

راحه بس اخذت كم يوم حاجه وحج بها

يا خوك تامر ولا لنا اى كلمه نحج بها

لا تنادى بس انت اشر و على يمناك عدنا

تحياتى

اخوك

بو حمود

هديه لمحبى الزهيرى

يا خوك اصبر ....ولو شد عليك الزمان...وجار

امر الله نافذ....وكل مانكتب....لابد يصير...وجار

الناس للناس....... والكل بالله.........والجار..للجار

فرصه ضاعت...غيرها اكثر...يجيك.........لابد

منتشره خيرات ربك.........بكل ظاهر...وكل لابد

مكتوب رزقك ...ورزق البشر...من سرمد...ل..ابد

هذى مقاسيم...ولا تعتقد...كل خيط يصيد.....لو.. جر

تحياتى

بو حمود