ترحيبا بمحبى الزهيريات
واخص راعى الفيل
والسكره
كتبت قبل شوى الزهيريه هذى
بس يعذرونى لانى كنت معصب
وطلعت الزهيريه حزينه
شوى
يا مفرج الكرب............................صبرى وصل........حده
سيف الغدر منهم.....................مسلول على..................حده
جتنى مصايبهم....................وحده ورى.....................وحده
مسكين منهو .........على قلبه الهم...............................راسى
احبابه اهجروا...............كلن على درب......................راسى
احساسى تعاسه................تارس الهوجاس..................راسى
مرات دهرى ............يحدنى ومرات انا........................احده
بو حمود يتمنى لكم
اسعد الاوقات
والبعد عن الاحزان
تحياتى
posted by بو حمود @ 4:59 AM
12 comments
12 Comments:
ليش معصب بوحمود
اعرف ان البرودة في الأعصاب تستمدها من الأستاذ حمود فهو استاذك لذا بلا عصبية لانها تؤثر على افكارك و استثمارك
برافو خوش كلام
مازلت انتظر منك موضوع خاص حق مدونتي اللى انت عضو فيها نبي موضوع يكسر الأسهم و يرفع المؤشر فوق و يعلق
ابي موضوع عن السوق
اقول كنك مازلت متأثر ببراطم و سيف عنتر في الزهيرية و الا حلمان فيه ابيض و اسود
تحياتي
دافي
تحياتي
دافي
اهلا وسهلا
ولكن الحال كما ترى
فى الوقت الحاضر
وكما قال الشاعر المخضرم
حبة فوق وحبة تحت
كله تبون فوق
ما يصير
وفى قول اخر
ما يستوى
انشالله اتفرغ
لموضوع على رواءة
اهداء لمدونتك المعطاءة
تحياتى
بو حمود
تسلم ويسلم ذوقك يابوحمود أحرجتني وايد الصراحة(*^_^*)وماشاءالله عليك حزين ولا فرايحي كل شي حلو وتشكر عليه عزيزي.. تسلم على حسن إختياراتك إللي دوووم تبدعنا فيها وتسلم الأيادي إللي كتبت وخل الزعل والعصبية عنّك الجو كل ماله ويحلى.. عاد إنت إقعد بالبلكونة وإييك الإلهام إنشاءالله بشي فرايحي
:)
وانشاءالله ماتكون الزيارة الأخيرة لك عزيزي وغالي بوحمود
عزيزة جدا
وتسلمين على المجامله
ونشالله نكسبك دوم
تحياتى
بوحمود
This comment has been removed by a blog administrator.
خلك ياخوي صابر واترك الهم وحده
مو كل من قال انا طلع يعرف وحده
مايفيدالفيل والسكرة قطعة وحده
خلك دووم صنديد وصير للخير راسي
اترك عنك النوم وقولة عورني راسي
الدلع يبتدي بقولتها يا تاج راسي
دلع نفسك وامشي بينهم وحده وحده
جميل كل ما تخطه يداك يا ابا صالح
شكرا على الزياره
وشكرا على الابيات الجميله
اخوك
بو حمود
أفا يابوحمود بزعل منك.. بالعكس آنا ما أجامل عزيزي الحق ينقال واختياراتك ماشاءالله جميلة عساك دوووم عالقوة
شكرا عزيزنا بوصالح على هالأبيات يسلموووووو
ألف مشكور يا بوحمود مهو بس وحده
طبيك وفنك ما ينكره واحد ولاوحده
واللي اهجرك هِجْره وتركه ابروحه وحده
يا بوصالح لك مني ألف تحية من راس راسي
بوحمود كفّى وفّى وكلامه بالراس راسي
إنْ كان هو مهموم جود عنده رس راسي
بوحمود وبوصالح راسين وتعيش روحهم وحده
هذا رد راعي الفيل
على ابداعكم
وهذا اللي طلع معاي على السريع
فلا ادققون على الوزن
بس ملاحظة انا مو راعي الفيل
انا اللي أخاف من الفيل
وهم اهداء
زهيرية أكيد تعرفونها
للمرحوم فهد راشد بورسلي
يا صاح عد الرفاقة بالحجي عدهم
وتعرف ربع الرخا مالك قدر عدهم
ربع الفراغات عند النايبة عدهم
الطيب محفوظ عند رفاقته وهله
ترجي أهل كيف حالك مرحبا وأهلا
خالف هواهم وقلبك بالصبر وهله
لو كنت ظميان لا قادر على عدهم
ودمتم
اهلا بصاحب الافكار البلورية
ناصعة البياض كثيرة الشفافية
جميله ابياتك
اخوى sologa-bologa
واجمل منها التلقائيه
على فكره الشعر ادمان
ساعات يتعب وايد
وللاسف ما تقدر تنشر
اشياء كثيره
خوفا من السرقة
تصدق عندى 3 دواووين
ولا نشرت منها شئ
مره كتبت اغنيه
قبل 14 سنه
غناها سليمان الملا
الاغنيه وطنيه
بس المشكله كنت قاعد
مع جماعة من الشعراء
وطلبوا يسمعون شئ من كتاباتى
سمعتهم كم شغلة
بعد شهرين
غنى نبيل شعيل الاغنيه
باسم واحد من الموجودين
وضربت الاغنية
من يومها وانا متحفظ بالنشر
فعلا مشكله
لما يصير الفن تجارة
وخر عنه
وخلك دوم هاوى
تعشق ما تعمل
ليكون الناتج هديتك لنفسك
تحياتى
بو حمود
اهداء مني لك
زهيرية المحك
باطلبك تحط حبنا عالـــــمحـك
مو بس اطلبك إلا استســـمحك
ابي بالغلط اشوفك ابلــــــمحـك
عزه قلب مات بغيابــــك عـــزّه
حامله جروح حامــــلـك معــزّة
كان خابر مثل مايعزك تـــعـــزّه
ماقول غير بس الله يســامــــحك
اخوك براك
مقبوله الهديه
يسلم راعيها
هالايام الحب حظوظ امسح وحك
خلك كثير الصبر.. ناسج وحاك
الشعر ادوا وعله..ووحيه ووحاك
وحق اللى الفه تسبق ل لامه
شوفتك عزيزه شوف الطفل لامه
ومن رد التحيه لام الله الذى لامه
جيتك عز وفرح اقبل وحياك
تحياتى
بوحمود
Post a Comment
<< Home