Monday, May 14, 2007

مثلك انا سامر حبيبى بريحاتى على اليال


هوجاس فكرى بين السحب طايرن يال


مدرى نهارى سلوتى مدرى نجم وليال


بس ادرى انى بشوفتك قلبى يحس راحه


مثل المتاريس ليمنها ارهمت دايره براحه


يقولون كل شى ينكتب عالجبين والراحه


وانا حبك بقلبى وسم وبكل الشرايين يال

تحياتى

بو حمود

28 Comments:

At 12:32 PM, Blogger Vincent said...

صح إلسانك يا بو حمود أمتعتنا الصراحة عساك على القوة

 
At 1:43 PM, Blogger بو حمود said...

صح بدنك

الله يقويك

مشكور طال عمرك

شرفتنا بالزياره

وانشالله نكسبك دوم

 
At 4:44 AM, Blogger Mamloo7a Q8ia said...

يا سلااام يا خوي
زهيرية حلوة
امتعتنا بهالكلام الحلو
تسلم الايادي

 
At 6:28 AM, Blogger بو حمود said...

الله يسلمج من كل شر

تستاهلين الطيب واكثر

شاكر لج

 
At 11:21 AM, Anonymous Anonymous said...

بوحمود هذا تأثير جو بو الحصاني
تحياتي
دافي

 
At 1:03 PM, Blogger بو حمود said...

هلا بدافى

عندى لك ظرف امانه

قولى متى بتستلمه

او دق على احسن

ولا تنسى الحلاوه

:)

 
At 12:18 AM, Blogger Doctor said...

هلا بوحمود
والله طلعت منت هين وتكتب زهيريات
ابصراحة جدا جدا ممتعة هالزهيرية
اتمنى تمتعنا بزهيرية عن اعضاء مجلس الامة والاحداث اللي احصلت قبل جم يوم
اعتقد يبيلها ازهيرية ولا انت اشرايك؟؟
تحياتي يا حلو

 
At 6:53 AM, Blogger بو حمود said...

Doctor

حياك الله


سعيد جدا ان الزهيريه يازت لك

وغالى جدا استاذى


وما طلبت شى نكتب لك زهيريه

باعضاء المجلس مع انهم ما يستاهلون

:)
بس لاجل خاطرك طال عمرك

فى اقرب وقت فراغ عندى

اذا قدرت لما ارجع البيت الليله

او بكره

تحياتى

بو حمود

 
At 2:35 AM, Blogger بو حمود said...

عزيزى الدكتور

الزهيريه خالصه من امس الليل


راح انشرها بعد اسبوع ليما زهيرية


المتاريس تاخذ حاصلها

تحياتى

بو حمود

 
At 4:18 PM, Blogger Unknown said...

صح لسانك

 
At 7:16 PM, Blogger Aldenya said...

الله

يا محلى هالحجى وهالكلام

صح إلسانك بوحمود

 
At 11:37 PM, Blogger بو حمود said...

حمودي


صح بدنك

حياك الله المكان مكانك

 
At 11:45 PM, Blogger بو حمود said...

Aldenya

حياج الله وحلت دنياج


مشكوره على الاطراء ويعل نكسبج دوم

 
At 3:04 AM, Blogger barrak said...

مثل المتاريس ليمنها ارهمت دايره براحه


ياحلو حجيك ياحلة اختيارك للألفاظ الكويتية
بعد غياب طوي لاأعرف هل هو قصور منك او مني
ولكن ماتغير في الموضوع انك اصبحت اكثر ابداعا
بس ارجوك لاتخلي المسودات بس زهيريات
تغنى وغرد وغير وادخل بعالم الشعر المتناثر لان الشعر يبدأ منك
ايها الاستاذ

 
At 7:25 AM, Blogger بو حمود said...

عزيزى البرك

مشكور على الاطراء الجميل


وطلباتك اوامر طال عمرك


اخوك

بو حمود

 
At 2:22 PM, Blogger sologa-bologa said...

صح لسانك يا بوحمود
طول عمرك استاذ

وكنوع من التحرش لفنك اللي ما أوصل ربعه

أقولك

وأنا هناك بعيد بعيد بأميال
الفكر صوبك سارح مايل اميال
ما سحرني بحر ولا انبهرت إبيال
ولا همتني النجوم وسط السما لامعة
وأقول ليش الدنيا لا معي ولا معه
ليتها علينا تحن وتكون جامعة
ومهما افترقنا دهر لابد يجمعنا يال


وتحياتي المبخرة والمعطرة
ودمتَ بحب وود

 
At 2:30 AM, Blogger بو حمود said...

عزيزى بو عزوز

سررت جدا عند قراءة

زهيريتك الجميله

وسررت اكثر لسماع اخبارك

متع ناظريك ببدائع صنائع الخالق

خضره وماء ووجه حسن

عساك دوم مبسوط ومرتاح

واغسل جبدك عدل


انسى اى هم او مسئوليه

تحياتى

اخوك

بو حمود

 
At 3:42 AM, Blogger sologa-bologa said...

طالت الغيبة بوحمود

عسى ما شر
؟؟

تحياتي وقبلاتي

 
At 8:34 AM, Blogger بو حمود said...

ما شر يا خوك

شوية مشاغل

صج مكانك خالى يا بو العز

ولك وحشه

تحياتى

اخوك
بو حمود

 
At 3:14 PM, Blogger Mamloo7a Q8ia said...

طولت الغيبة علينا عسى المانع خير يا خوي

 
At 12:29 PM, Anonymous Anonymous said...

وينك
وينك
وينك

 
At 5:23 AM, Blogger بو حمود said...

This comment has been removed by the author.

 
At 5:25 AM, Blogger بو حمود said...

This comment has been removed by the author.

 
At 1:46 AM, Blogger بو حمود said...

Mamloo7a Q8ia

هلا فيج يا ملح الخليج كله

والله يا اختى الفاضله


المانع خير ان شاء الله

مشغول حدى بتاسيس مشروع جديد


صغير على قدى بس ما توقعت

ان الحصول على ورشه صعب لى هالدرجه


على قولة اخواننا المصريين

ما فبش خرم ابره بالشويخ الصناعيه

الا بخلو وما الى ذلك


ويستمر مسلسل البحث

سعيد جدا بسؤالج

وانشالله نعود قريبا بعد الانتهاء


من لوية البحث

والتفتيش

اخوج بو حمود

 
At 1:47 AM, Blogger بو حمود said...

da Vinci

ان شاء الله قريب

تحياتى

بو حمود

 
At 12:36 PM, Blogger sologa-bologa said...

مساك الله بالخير

أتمنى إنك بخير وصحة وعافية

يا خوي ترا
صج طولت الغيبة

أكثر من شهرين
واحنا لي الحين ناطرين

لا اطول أكثر من جذي


ودمت بحب وود

 
At 6:25 AM, Blogger بو حمود said...

sologa-bologa


بو عزيز تامر امر

ما طلبت شى

نرد لاجل خاطرك

وخاطرك بالحيل غالى

اخوك بو حمود

 
At 5:02 AM, Blogger may said...

اقتباس : [وانا حبك بقلبى وسم وبكل الشرايين يال]

روعـــــــــة

صح لسانك

 

Post a Comment

<< Home