Monday, April 30, 2007

هديه للعزيز الغالى

بو عزيز


يا وجه الخير موجود للديره رجعنا وعدنا

ما نرخص الغالى ابد وقط ما نخلف وعدنا


من زود فرح هلتك ضاعت حسبتنا وعدنا


دوم الموده حاضره ولا حاجب حجبها


راحه بس اخذت كم يوم حاجه وحج بها


يا خوك تامر ولا لنا اى كلمه نحج بها


لا تنادى بس انت اشر و على يمناك عدنا
تحياتى
اخوك
بو حمود

12 Comments:

At 9:44 PM, Anonymous Anonymous said...

بونجور بوحمود
وينك من زمان
بانتظار ابداعاتك
تحياتي
دافي

 
At 11:11 PM, Blogger بو حمود said...

هلا بالغالى

بونجورات الحمدلله بخير حال

انت شخبارك

احسب حسابى

السفره اليايه وياك :)


تحياتى

بو حمود

 
At 12:03 PM, Blogger sologa-bologa said...

الله يعز شانك دوم يا بوحمود
والحمد لله على السلامة

وأقولك

الفرحة فرحتنا يوم إنك علينا هليت
من الوناسة تراني لك غنيت وهليت
نورك ما يوازيه الفنر لا ولا هالليت

بوحمود نشهد إنك للوعد دوم وافي
يا بحر مثل البحر اللي لساحله موافي
ادعي الكريم ربي يزيدك خير ونعيم وافي

يا فارس ياللي من شيم الرجال ما خليت


واعتذر عن ركاكة الوزن لأنه
من شفت زهيريتك حاولت أرد عليها
بمثلها أو أقل منها
لأني ما أقدر أكتب أحسن منها
:))

استاذ يا بوحمود
والحمدلله على السلامة

ودمتَ بحب وود واستقرار واسترخاء

 
At 12:57 PM, Blogger بو حمود said...

الله يسلمك ويعز شانك


مشكور طال عمرك


تحياتى

بو حمود

 
At 2:32 PM, Blogger ana_sokkarah said...

يه يه يه شهالزين شهالسوالف شهذا يابوحمود شهالإبداع الحلو واللي الصراحه مو غريب عليك دايما مبدع عزيزي

يابختك ياسلوقا زهيرية رايحه وزهيرية يايه :) ... عسى الله يديم عليكم هالمحبه وهالصداقة يارب

تحياتي لكم جميعا

 
At 2:46 PM, Blogger بو حمود said...

مشكوره وتسلمين

حروف كلماتج تنقط عسل

يا احلى سكره

تحباتى

بو حمود

 
At 9:47 AM, Blogger sologa-bologa said...

ميرسي أوي يا سكرة

:))

والله إن بوحمود ذهب
ومعرفته أكبر من الذهب والألماس

ومهما قلت ما أوفيه حقه


والله يديم المحبة بين الناس كلها
آمييين يا رب

ودمتم بحب ومودة

 
At 1:32 AM, Blogger ana_sokkarah said...

شدعوه ياسلوقا لا شكر ولا شي الحق ينقال عزيزي

عسى الله يديم هالمحبه بينكم ولايفرقكم عن بعض وبوحمود ماشاءالله من بديت أزور مدونته وأقرى تعليقاته حسيت انه ذهبه والله يشهد على كلامي فعلا عرفت انه انسان حبوب ولبق واسلوبه رائع وماعليك زود ياسلوقا انت بعد مثله وأكثر

الله يوفقكم اجمعين ولا يفرقكم

 
At 10:52 AM, Blogger Mamloo7a Q8ia said...

الحمد لله على السلامة
ويا سلام على هالزهيرية العجيبة
الله يديم صداقتكم

 
At 3:54 AM, Blogger بو حمود said...

Mamloo7a Q8ia

الله يسلمك من كل شر


مشكوره


تحياتى

بو حمود

 
At 3:19 AM, Blogger bo_sale7 said...

نورت البلاد يا غالي
تحياتي :)

 
At 10:53 AM, Blogger بو حمود said...

منوره باهلها طال عمرك

تسلم يالغالى

 

Post a Comment

<< Home