هديه
لمحبى الزهيرى
مجبور مريت ميدار حبى صوبكم كلب و شار
وانا طبعى صعب ما اطيع فيكم من نصح وشار
من قال لى هدهم قلت له الف لا باس عليك ما شر
اهو سلوة الروح والخاطر اهو لى وانا له
شوف الويه يصفر لى دريت ان زعل ناله
منيتى باليوم طله والفرح يوم انى اناله
تقول خسران حبك اقول ما فى المحبه بايع وشار
تحياتى
بو حمود
posted by بو حمود @ 12:24 PM
13 comments
13 Comments:
بونسوار مسيو بوحمود سافا
بونسواريه
دافي يعود الي الديوانية
بونسوارات وهايات
نورت الديوانية اللى انت فيها
شلونك وشلون باريس والشانز
الاسبوع القادم انا انشاء الله مسافر
بس راح اكون على اتصال واللاب معاى
تقبل تحياتى
بو حمود
صح لسانك بوحمود
يا خوي قبل كنت أحاول
أتحرش فيك بزهيريات
باللي الله يقدرني عليه
لكن بصراحة
ما أقايش وياك
:))
ما شاء الله عليك
المخ قافل حده
ودمت بحب
هلا بو عزوز
بالعكس زهيرياتك جميله
لازم تحاول اكثر
والمخ لازم ينفتح
مو عشان الزهيريات بس
الحياة محتاجه الصفاء الذهنى
اهى طريق الراحه
لكل شىء ممكن يصادفك
السفره اليايه شرق اسيا لازم تخاوينى
اعرفك على البروفيسور
وتاخذ دورة ميدتيشن او شى كونغ
او جلسات ريكى
راح تتغير 180 درجه
راح تحس انك اصغر بسنين كثيره
والنشاط يكون فولته حده
راح تتغير اشياء كثيره فيك
انا مسافر بعد ثلاث ايام
اذا يمديك الحين حياك
ولا تحاتى الفندق او شى ثانى
كل شى متوبك من قبل شهر
فرها بمخك وشوف ظروفك
واهلا وسهلا ومرحبا فيك معانا
اشرايك
تحياتى
بو حمود
أشكر دعوتك
ولي الشرف أخاويك
بس ثلاث ايام
ما يمدي الواحد
يزهب عمره
ولا خوش فكرة
صج محتاج سفرة
عليك بالعافية
وأتمنى لك سفرة سعيدة
وراحة بال وذهن صافي
ودمت بحب وود
احنا اللى لنا الحظ الاوفر والاسعد
اذا شرفتنا المقادير باخوتكم الغاليه
الجايات اكثر انشالله
تحياتى
بو حمود
بعد التحيه
حلوه الزهيريه .. عاد كتبت لك زهيريه قايلها واحد من الجماعه و ضيعت الورقه اول ما القاها بييبها لك .. جود تعجبك
:)
بركـــان
ابشرك لقيتها يا بو حمود و هي كالآتي:
عروق دمعي من دمها جفت ...
و دموع عيني من بجاي جفت ...
و اللي احبها عني اليوم جفت ..
يا دمعة ندى على وزناتي فضه ...
و همي يا حبيبي إلى من أفضه ..
إن جان قلبك لغير عهدنا نفضه ..
غديت انا يابسه من الماي جفت ..
كلمات بو خالد
بركــان ثائر
مرحبا بوحمود.. عدنا والعودو سكّرو
صح لساااانك اتينن الكلمات يابوحمود دايما مبدع تحياتي لك عزيزي
بركان زهيريه حلوه
بس فيها مفردات من اللهجة العراقيه
لو تتنقح تطلع احلى
تحياتى المزهره
بو حمود
هلا بسكر الخليج كله
انا حاليا بشرق اسيا
اطلع من الصبح الساعه 9 الصبح
وارجع الساعه 8 الليل متلش
يومين انشالله ويتعدل الجدول
شاكر تواجدج
تحياتى
بو حمود
ترجع بالسلامة عزيزي بوحمود بس هاااا شموديك هناك اعترف؟؟.. نبي صور عاد أبي طبيعة وباخذ الصورة إللي تعجبني خلفية حق لابتوبي
الله يونسك بالعافية
لا يروح فكرج بعيد
ده انا غلبان
الربع معالجيين ويايين ياخذون دورات
يعنى دراسه واستجمام
من الساعه 9 صباحا الى ال8 مساءا
وانا اخذت كم دوره كذلك
بس ما توقعك الوقت بيكون مزحوم
بهالطريقه
يعنى لى الحين ما صار عندى وقت اسوى
شغلى الخاص
بس خلال كم يوم يتعدل الجدول
الزمنى انشالله
بالنسبه للصور مانى راعيها
بس اخذ من الربع بعض الصور
اذا تبين خصوصا انهم صايريين
يابانيين على هالكاميرات المعلقة برقابهم
وكل ما شافوا شى صوروه
تحياتى
بو حمود
Post a Comment
<< Home