زهيريه مهداة لمحبى الزهيرى
من سالف الازمان والناس بين ايمان ....واشراك
هذا يفرش لك هدب عين وذاك ينصب لك اشراك
راحت النغصات واللقمه ما تنزل... بليا اشراك
حاسب من صاحبك ومن اللى تحن له .وتجيره
وش هالزمن ما بقت فيه نخوه ورفقه ...وجيره
الظاهرمنه حلو لو مو ضاربه بساتنه ...وجيره
اكثرهم يبيعك والسعد تلقا الذى يشراك
تحياتى
بو حمود
13 Comments:
مبارك عليكم الشهر
و عساكم من عواده
و عسى الله يهله علينا بالامن و الايمان
و يحفظ كويتنا ويصلح حال حكومتنا
الله يبارك فيك
ويجعلك من العايدين الفايزين الغانمين
ويحفظ ديرتنا
شكرا للمرور
والزياره
اخوك بو حمود
صح لسانك يا بوحمود
بصراحة صار لي يومين
احاول ارد عليك بزهيرية
لكن ما قدرت
ما شاء الله عليك
اختيارك للمفردات جميل وبنفس الوقت
صعب علينا نجيب مثله
:)
ما نقايش وياك يا الحبيب
ولا تبطي علينا بكتاباتك الحلوة
ودمت بحب وود
بو عزوز العزيز
صح بدنك
شكرا على الاطراء
وان شاء الله دوم متواجد
تحياتى
اخوك
بو حمود
اممممممممم
وين غاط يا بوحمود
عموما
عيدك مبارك
و كل عام و انتم بخير
وتعودنه بالصحه و العافية
و الكويت بخير
عيدك مبارك
أول مره أزوركم.. و راح عاود الزياره بإذن الله :)
Enter-Q8
موجود استاذى بس ماخدتنه الدنيا حبتين
وانت بخير وصحه وسلامه
ومن العايدين الفايزين
شكرا لمرورك الكريم
اخوك
بو حمود
rwatan
شرفت المكان بزيارتك
ويعل نكسبك دوم
حللت اهلا ونزلت سهلا
اخوك
بو حمود
مبارك عليك الشهر
وعيدك مبارك
وكل عام وانت بخير
وصح لسانك
وووو
ولهنا
الله يبارك فيك
وعساك من العايدين الفايزين
واحنا ولهنا اكثر
والله لك وحشه
وسلامتك
اخوك
بو حمود
ها
أعدت ترتيب الأرشيف ولا بعد
:)
ترا طالت
؟؟
تحياتي الخالصة المخلصة
هلا بوعزوز
تو ما نورت البلاد
ابشرك فرزت الارشيف
بس للاسف ما وجدت القصيده
وما زال البحث مستمرا
اخوك
بو حمود
thx
Post a Comment
<< Home