اهداء لمحبين الزهيرى
قريت من دواوين الغدر الف طبعه وطبعه
عاذلى لى شاف مركب يتفنن ليمن يطبعه
هاذى سايته وكسر القلوب هوايته وطبعه
ما يحب السعاده بمحيطه او لمن كان قربه
معرفته تعاسه. منى الخطااعترف واقر به
اكيد ما تسمع الموتى ولا من كان وقر به
مقيوله قبل بو طبيع ما يجوز عن طبعه
تحياتى
اخوكم
بو حمود
8 Comments:
يا سلاااااام
اي والله بو طبيع ما يغير طبعه
زهيريه عجيبة
مشكور ياخوي وتسلم ايدينك
استاذي وعزيزي جدا جدا
صح لسانك
وتسلم إيدك
والله يبعد العواذل وصوب محملنا لا يقربهم
إي يا خوي
لا تغط وايد عنا
وأطرب مسامعنا
ومتع عيونا
وشغل فكرنا
بالأشعار والحكم والزهيريات الطيبة
ترا كل يوم أمر مدونتك
وأردد كلمات هالأغنية
كل يوم أقول اليوم
يظهر قمر ليلي
والحمد لله اليوم ظهر
:)
ودمت بحب وود عظيمين
Mamloo7a Q8ia
الله يسلمج
شكرا لتواصلكم الكريم
ولطفكم الاكرم
تحياتى
اخوج بو حمود
بو عزوز
الغالى جدا جدا
يا خوك الدنيا خذتنا حبتين
بس دوم على البال والخاطر
العواذل مالهم مكان بيناتنا
الله يسلمك من كل شر
شمسك دايمه باشراق
ما يجاريها ضوى قمره
نسلم وتهزنا الاشواق
ونقنع منكم بنظره
تحياتى
اخوك
بو حمود
الله يعينك يا خوي على الدنيا ومشاغلها
وأشكرك على الكلام الحلو
:)
شوقي لكم حرّاق
أحر من حرقة الجمرة
وشوفي لكم شفّاق
ما تكفيه بس نظره
:)
ودمت بحب وود عظيمين
da Vinci
موجود
اشلون احوالكم
عسى كل اموركم طيبه
متى انشالله تردون الديره
تحياتى
بو حمود
ياخوي ما صارت
ترا
صج صج طولت الغيبة
ومن طول الغيبات جاب الغنايم
أو
جا بالغنايم
:)
طمنا عنك يا خوي
ودمت بحب وود
موجود بس استمتع بحالة من الكسل
الفكرى
تحياتى
اخوك
بوحمود
Post a Comment
<< Home