اهداء لعشاق
الزهيرى
تبى تلعب تبى تشخبط لا تخربش على قلبى
لا تكون انته والدهر ريح عاصف قلب بى
ليه تسومنى وانا شاريك ليه تبيعنى وتقل بى
غير نفسك لا تلوم وغير عندك لا تنشد حل
انا برخيص قطيتك اكتشفتك طين صبخه وحل
لا تحاول ما ارد لك هذى النهايه واجل حل
لا تحاور لا تزاور ما يفيدك لا تشتكى و تقول بى
تحياتى
بو حمود
13 Comments:
لاهنت يا الغالي
وما عاش من باعك
وصح لسانك يا بوحمود
حاولت أعزز موقفك بزهيرية كالعادة
لكن المخ قفل
:)
وما طلع معاي إلا هالأبيات
من باعك بيعه من غير سوم وقلْ به
مثل ورق الكتاب لي منّه خلص قلبه
لا يشغلك جفاه وخل همّه ناقع بقلبه
وبس عقبها وقفت
:)
تعيش وتسلم يا الحبيب
من باعك اشتره وحطه على رف
جود يتغير الخاطر والقلب رف
الحب لوعة وتعب ومزاج ارف
وياك القلب تعب يا مملوح
تحت نظري لو انك ماصخ او مملوح
الشوق غض طري مو جامد لوح
الخاطر طيب مهما العدو عرف
حمدالله على السلامة
وهذي وحدة بسبة غيابك
بعدت وطولت الغيبات ومامن غنيمة
انشد عنك الاهل وكل الربع والخلان
صاد عنا والجام رافعه يا هي غميمة
داق له خيمة بالبر داخل الصمان
الصوت ما يسمعه والايميل ماله قيمة
ماكو الا ادعيله وقت رفع الاذان
تحياتي
sologa-bologa
الله يسلمك من الشر
ويعيشك على قولة اخوانه المغاربه
تحياتى
بو حمود
bo_sale7
مشكور طال عمرك
والغنيمه شوفت الطيبين امثالك
الفتره الماضيه
كانت فترة نقاهه
وها نحن عدنا ننشد الهولو
على ظهر السفينه
تحياتى
بو حمود
بوحمود
الي الحين مصمم ما تبي تسافر
مازالت دعوة باريس مفتوحة لمدة اسبوع من عقب باكر
مبين كلمة يعيشك مثيرة بالنسبة لك هالأيام شنو الأثاث و الستايل المغربي أثر عليك
مازلنا بانتظار ابداع يليق بالمنظر اللى تشوفة من شباك الدور الأول.تحياتي دافن شي
مشكور على الدعوه
وصدقنى وصلت
باريس ما تتطوف بس انا مرتبط
مع البروفوسور اخر الشهر
مسافر شرق اسيا انشالله
لحضور بعض الدورات فى تصفية النفس
مثل الميدتيشين والشى كونغ والريكى
وكذلك التجهيز لبعض الاعمال
من صقل احجار وما الى ذلك
واشكرك مره اخرى
والجايات اكثر انشالله
تحياتى
بو حمود
صح لسانك ... اول مره نزورك و ان شاء الله مو الاخره
اذا ممكن تفيدنا عن اصل الزهيريات نكون شاكرين لك
بركـــان
بـركـــــان
صح بدنك اخوى بركان
حياك الله
بالنسبة لاصل الزهيرى تضاربت الاراء
وعلى فكره يوجد نوع
بخمسة اشطر ونوع بسبعه وهو الدارج
عندنا كما توجد الابوذيه وهى
عباره عن ثلاث اشطر يتبعها شطر ينتهى
ب يه
يقال ان الامير بن جادر الزهيرى كان مغرم بهذا النوع
من الشعر ونسب اليه
ويقال ان نسبه الى الزهره
ويقال ويقال ولكن من الصعب تحديد
الراى الصائب
وحياك الله اخوى
المكان مكانك ونتشرف فيك
تحياتى
بو حمود
بعد السلام
أشكرك اخوي بوحمود على معلومتك .. مشكور و ما قصرت ..
اللي اعرفه انه الزهيريات خرجت من العراق اذا ماني غلطان .. صح؟؟
شكلي بطيحله اقراهم .. بركان وده يألف زهيريه .. يمكن تسلك معاي
:)
بركان ثائر
اوكى
بس دير بالك من التفجيرات
:)
ياسلام ...يعيش بو حمود
صح لسانك :)
3ateeja
صح بدنج
وتعيشين
This comment has been removed by the author.
Post a Comment
<< Home