العلاج بالطاقة
او الريجى...............وان كان اصل الكلمه عربى
وهو الرقى
نظريته تقول ان جسم الانسان
يوجد به 7 منافذ للطاقه
منفذ فى الجبه.........منفذان فى الصدر........منفذان اعلى من الفخذ قليلا........منفذان فوق الركبه
كل منفذ عباره عن دائره بها ما يشبه القرص ويدور فى حالاته الطبيعيه
لادخال الطاقه الخارجية المستقاة من الكون
ولكن ما يحصل بسبب كدورات الحياة
توقف احد او بعض او كل الاقراص عن الحركة او الدوران
فتحصل الامراض والكسل والتعب والنسيان وعدم القدره على النوم الخ
المعالج بالطاقه يسمى سلك
وبالكويتى واير
يعنى مهمته جعل هذه الاقراص تدور مرة اخرى
ليستطيع الانسان العوده الى حالته الطبيعيه
والتى سوف تدهشكم لو علمتم مقدار ما تفقدون
من بهجة الحياه عبر العيش بحواس متكامله نشيطه
وعدم القدره على تحصيل الطاقه من الكون بشكل طبيعى
العلاج قد يكون لمدة جلسه واحده
لمدة 25 دقيقه
ويمكننى سرد قصص الكثير من المعارف ممن استفادوا من هذه التقنية فى العلاج
صديق كا سيجرى عملية فى ظهره
وعن طريق الصدفه نصحته وقام بعد العلاج
يقفز وكانه كان كاذبا
جدة احد الاصدقاء كانت تعانى
من الام فى الرجل لسنوات
زالت منها بعد ثلاث جلسات
بالطبع اسعدنى الحظ لان لى صديق اخذ دورة
مدة اربعة ايام واصبح يصنع الهوايل
عبر كونه سلك هاوى
نصيحتى اذا سافرتم وخصوصا شرق اسيا
لا تضيعوا فرصة اخذ جلسات من هذا الفن الساحر
تحياتى
بو حمود
21 Comments:
همممممممممممم
شي عجب .... انزين وين اقرب مكان للجلسات هذي ؟
بوحمود
ليش ما تتعلم تعالج بالرقي و تفتح عيادة وايد ابرك
بعدين يمكنت العلاج بواسطة النت يعني المريض يقعد و يكتب لك المشكلة و تكتب له الوصفة و تعالجة و تاخذ المقسوم
مجرد فكرة
موضوع جميل
تحياتي
بالكويت عدد اللى يعالجون محدود
انا افضل تاخذ الجلسات من المنبع
شرق اسيا
فى بعض الاماكن بالكويت متخصصه
واحد من الربع دق عليهم
حق جلسة عطوه موعد عقب
اربع شهور
اذا بغيت تسافر
عندى عنوان بروفوسور
عجيب الصراحة
تقول سحر يا خوك
وحده بوحده
حتى لو ما فيك شئ راح تحس بتغيير
ملموس جدا
نمط الحياة المادية اللى
احنا نعيشها تاخذ وايد
من فكرنا وصحتنا وحركتنا
تحياتى
بو حمود
افا يا دافى
حلوه هاذى
عطنى بعد كبوس عليه نجوم
وبلورة
وخل نكت فال ونفتح الودع
وارب بص
ادامك طريء سفر
خلى بالك من الحفر
بكره حينزل مطر
لازم تلبس جاكيت
عزيز يا دافى
الا ما قلتلى متى السفره
اللى خبرك
ترى مجهز جناطى
comment ca va
تحياتى
بو حمود
لا تقصر يا خوي دزلي العنوان على الايميل ماعليك امر ....وانا عندي سفرة قبل راس السنة او اول ايام السنة اليديدة على ابعد تقدير وراح اخلي خط سيري يمر بشرق اسيا
واكون لك من الشاكرين
تحياتي
انت ما تطلب يا بو صالح
انت تامر امر
راح اعطيك العنوان
والتلفون
وتوصية من صاحبنا اللى اخذ دوره عندهم
احاول اييب لك كرتهم افضل
بس عطنى يومين
واضبط لك الامور
اخوك بو حمود
ما يامر عليك دافي :)
مشكور وعساك على القوة ...اخذ وقتك وعلى مهلك
تحياتي المثمرة
بو صالح
رقم التلفون 026448600
رئيس المعهد استرالى ناس ممتازين
دق عليهم وراح يعطونك العنوان الجديد
الحين خذوا مكان قريب داخل العاصمة
وصرحلهم الملك باقامة مستشفى
للعلاج يعنى ناس تشتغل صح
روح وجرب وادعيلى
اخوك
بو حمود
بأي ديرة هذيل ؟؟؟
بانكوك
حلو وصلت في الوقت المناسب
كل المعلومات اللي ابيها موجودة
باقي الحجز والسفر
وانشالله العام اليديد ما يجي
الا وكل دوائري تدور كلها
شكرا على المعلومات
دمت بحب
تحياتي
عزيزة جدا
ونورتى البلوج
فعلا هذا العلم عجيب الاثر
عن تجربة شخصية وعن اناس كثيرين اعرفهم
تحياتى
بوحمود
مرحبا بوحمود مع إني متأخرة في زيارتي لبلوقك وآسفة على التأخير في التعليق لكن لفت نظري كلمة الفن الساحر يامعود إذا أهو فن وساحر بعد وناس لهم تجارب باءت بالنجاح عيل تكفه العنوان على إيدك..بوحمود إذا هالكلام جد مو مجرد بووووووووست عندي ناس تحتاج هالشغلات خاصة عوار الظهر والركبة وعلى الله شفاهم ولك الدعاء.. بس أقول أخاف ياكلون الرقي ومايخلون شي للعلاج..لوووول..خلنا عالطاقة وايد أحسن لا يسوون سالفة الكاكاو وجلسات علاج الريلاكس للجسم فيه..خو هذا بروحه قصة..عالعموم تشكر على هالبوست الحلو
سلامو
كلام صحيح جدا
والتجربة خير برهان
لا تخافين مو مسحوق تايد
نطرى بو صالح لما يرجع وسئليه
على فكره يوجد بعض المراكز فى الكويت
رقم التيلفون موجود
لبانكوك ناس محترفين ومصرحين من الدولة هناك
026448600
على العموم الانترنيت الالحين
يوجد به معلومات خيالية
سواء بحث عن العلاج بالطاقة
او الريكى
اذا حطيتى رقى راح يطلعلك سوق الخضرة
الرقى اللى اقصدة الرقية من رقى يرقى رقيا وكنت اتكلم عن اصل الكلمة تاريخياوهو عربى اما الريكى فهو يابانى
لبس ظريف اما اذا كانت قفشه فايضا سكره ولطيفه وحلوه دبل سويت
تحياتى
بو جمود
ماعليه ماتقصّر بوحمود خو غلطة فهميه خو..إي مو إنت الله يهداك الرقى والريجي عاد آنا كنت يوعانه وفهمتها جذيه وشوّقتني يابوحمود.. شسوي يعني؟! أكتب إللي حاسّه فيه ولاّإللي تعليقي على موضوعك.. اختلطت الأمور معاي يابوحمود
ترى تعليقي إللي قبل مجرد فكاهه لا أكثر ولا أقل تقدر تقول نوع من أنواع الفني شوي ومشكور على معلومات الطاقة وإنشاءالله أحاول أتواصل معاهم وأوصل لهم بإذن الله
اعتقد هناك لبس
انا ردى كان مداعبة
احب قراءة تعليقاتك الجدية والساخرة
فانا دائم الاستمتاع بمشاركاتك الكنفانيه
يا سكره
الزعل ممنوع
خصوصا منك
بس يمكن انا من النوع اللى يسترسل بالضحك والغشمرة
خصوصا انى احب الحلويات
تحياتى
بو حمود
مامن زعل عزيز وغالي يابوحمود وهذا مقصدي من اللبس الضحك لاغير..شفيك عالأكل همن شوّقتني أبي كنافة بين نارين بالجبنننننننننننن واااااو لذيييييييييذه بروح أطلبها..بس لاتاخذون عني فكرة غلط آنا ما آكل وايد بس أحيانا شغلات تطري عالبال أو أحد يشوقني فيها من أسمع اسمها آنا جذيه..بالعافية علي وعلى من يبي يطلبها بعد..لووووووووول.. باااااي
الفين صحة وثلاث الالاف عافية
ممممممممممم
كنى انا بعد باطلب
تحياتى
بو حمود
الله يعافيك تسلم وماتقصر
بس أفـــــــــــــــــا يابوحمود عاد آنا كنت بخليها على حسابي؟! يله خيرها بغيرها
:)
عاد صار لي جم يوم
طايح مريييض
واحتاج علاج
اشكرك
على تقديم
هالعلاج
:)
عزيز استاذى
ما تشوف شر انشالله
بالفيل ولا فيك
دائما زياراتك تبعث السرور
كثر منها
تحياتى
بو حمود
Post a Comment
<< Home