بوست بتاريخ 1-11-2006
احببت اعادة نشره لانه يتماشى مع الجو الباريسى
الرائع اليوم
الله يحفظ الجميع من الحوادث
لان ربعنا ما ادرى اش علامهم مع اول
زختين مطر الحوادث ما لها والى. تقول سحوبات
عموما الله يبعد الشر عن الجميع
اشكثر تبكى البشر
باعذار وبليا عذر
عد ما هل المطر
على الصحارى وانتحر
عد الحصى
ورمال الشواطى تنتظر
دمع البحر
البحر ما يوقف حنينه
عبراته دايم تستمر
تسمعها الليالى الحزينه
اشواق من ماضى العمر
وين القمر
مشتاق ودى احضنه
يمكن بدر
مكتمل باحلى الصور
يحكى الجمال للى نظر
ويواسى منهو دمعته
خانته
وخلت على خده اثر
تحياتى
بوحمود
6 Comments:
بوحمود
من 17 الي 25 مارس انا في باريس شرايك تيي تكتب شعر في باريس و تستعيد ذكريات ايام الدراسة من الحين قول علشان حجز الفنادق
تحياتي
دافي
هلا بدافى
العرض جدا مغرى
بس الظاهر راح اكون فى شرق اسيا
من 13 فبراير الى اول مارس
لاخذ دوره عند البروفيسور
فى التامل
ولمباشره تصميم بعض الموديلات
سواء قطع الاحجار
او صياغتها
يعنى الوقت مضكوك حيل
وللحين التواريخ عندى مو اكيده
بس الدعوه اوصلت
وانا شاكر لك عظيم الشكر
على فكره باى فندق تبى تحجز
وباى منطقه فى باريس
والله ايام الله يهنيك
صج انت اربع وعشرين ساعه اجتماعات
بس هم باريس روعه
مشكور مشكور مشكور
الله يبقيك ذخر
وينولك اللى فى بالك
ويعطيك على قد نواياك الطيبه
تحياتى
بو حمود
خلت على خده دمعه
ياسلام عليك
انا اقول رافجني باريس
بشهر مايو
وانا ماخلي على خدودك للدمعات
اثر
أول شي صح لسانك
ومثل ما يقولون
بالإعادة إفادة
:)
ما شاء الله
الكل رايح باريس
بس يقولون باريس حر
وفيها قارص
رافقت السلامة كل المسافرين
الحمدلله أنا مخطط أروح زبير
بس مو الحين
لما تهدأ الأوضاع
هلا البرك
باريس شهر مايو
ممممممممم
الجو حلو..........الحى اليونانى بشلع القلب
والحى اللاتينى يا سلام
البيتزا الايطاليه على بساطتها
مخبوزه على قرف خشب الريحه تسحر
معهد اللوفر ومنظر الفنانين
يرسمون على الجسر
والاكشاك الصغيرة دار ما دارك
فيها شوية كتب قديمه على كيف كيفك
واذا باعدت شوى صوب الاوبرا
منظر عجيب
بس لو تخلى الموعد
فى الرابع عشر من يونيو
تصيد الحركه عدل عيد التحرير عندهم
خرافه وتشبك لى واحد وعشرين يونيو
عيد الموسيقى والفنون
تشوف العجب كل هواة الموسيقى وهواة
الفن يحتفلون فى الشوارع مافى نوم
واذا صادفت مهرجان بيع الاغراض القديمه
فقد اكتمل الحلم تاخذ كم تذكار انتيك
بسعر التراب لعدم فهامية الباعه
عن الاغراض التى ورثوها ومخزنه عندهم
بدون معرفه ماهيتها
كل هذا وما تبى دموع
الظاهر راح تبكى معاى
تحياتى
بو حمود
بو عزوز
صح بدنك
قارص وحر وكلحه وملحه ودار مدارك جكر
تدور الحلاة بالتفق والمناظر ابد ما
هى حلوه والناس ما عندهم اخلاق
اخاف قايلين لك عن الصومال
الزبير يا معود لا لا دير بالك
اهناك حتى الشرطه يخطفونهم
ترى مالنا غناة عنك
بو حمود
Post a Comment
<< Home