ادب المجالس
انت ومجموعه من الربع دشيتوا ديوانيه
اول شى تسوونه طبعا تنزعون النعل عند باب الديوانيه
احتراما للمكان
بعدين تسلمون على راعى الديوانيه
راعى الديوانيه المفروض يرد السلام
لعدة اسباب منها
انكم ضيوف انكم سلمتوا ورد السلام واجب
راعى الديوانيه يرد السلام على الزوار ويعطيك انت طاف
الاسباب المحتمله لذلك
انت مو كفو يلقيك ويه
انت انسان غير مرئى
ما يحبك لله فى لله
الاسباب الاخرى المحتمله
راعى الديوانيه ما يوجب الضيف
راعى الديوانيه ما يعرف الاصول
راعى الديوانيه ثور ابتر
التصرف اللى مفروض انك تسويه فى هالحاله
تسفل براعى الديوانيه وتصكه باقرب طفايه
تبوسم وانت تشرب شايك وتسحب نفسك من الديوانيه عقب خمس دقايق
تشهر براعى الديوانيه بين الربع واللى يعرفه واللى ما يعرفه
تعطى السالفه طاف
زبدة الحكى ومخلص الكلام
يا جماعة البلوق عباره عن ديوانيتك
ومكانك الخاص يعنى وجبوا الناس
لا تعطونهم طاف من بين الضيوف
عيب عيب عيب
يا رجال ويا نسوة
تحياتى
بو حمود
posted by بو حمود @ 10:40 PM
15 comments
15 Comments:
أنا أشهد
إن كلامك صحيح
1000
بالمئة
وعلى قولتك
إذا راعي الديوانية ما يعرف المواجيب
والواجب
لا توجبه
وعلى قولة الشاعر
الضرس لي منه رقل من شلعته لابد
وانظر الى الغيم لي هب الشمال انزاح
وأحسنت يا بوحمود
حبيب وغالى
تصدق كتبت زهيرية هجاء
وباسم صاحب البلوق اللى خبرى خبرك
بس يوم قريتها مره ثانيه عقب ما هديت
شفتها وايد قويه
بعدين ما بغيت اعطيى هالشخص اهميه
من خلال كتابة زهيريه خاصه فيه
حتى لو كانت هجاء
الصراحه نظرتى تغيرت بهالشخص
سبحان من يقلب القلوب بين محبه
وعدم محبه
عزيز جدا على القلب
يا راعى الفيل
عاد عطنا لقب نناديك
فيه
تحياتى
بوحمود
اسلوب رائع يا بوحمود
لجذب الانتباه الى اصول الكتابة و الردود
لكن اخي بو حمود
التعامل مع المواضيع بالبلوقات يعتبر مثل الديوانية و لكن بشكل اخر
كمثال انا مو من طبيعتي ارد
على كلمة شكرا او اشاده لموضوعي
فا تلاقيني اردها بموضوعه اهو بمدونته
يعني التواصل بالردود يكون بالمدونة الاخرى
و يمكن الواحد لكثرة مشاغله او ظروفه
او لما كوالتي يطيح سيرفرها
يعني مثل هالامور تمنع التواصل الدائم
بوحمود
ترى اسمح لي
ضفتك بقائمة الساده الرجال من اول رد لك عندي
فائق الود
استاذى الفاضل
بو وليد
المساله ابعد من كذى
تخيل اول زياره لك
تشيد باسلوب محترم بالموضوع
يكون رد صاحب البلوق حسب التسلسل
بس يطوفك انت وشخص اخر
اللى يحز بالنفس ان هالشخص كاتب كلام
حلو متعوب عليه
المفروض صاحب البلوق يكون موضوعى
بعدين اذا ما تبى الناس تشارك
فى مواضيعك حط خيار عدم استقبال الردود
لكن تفتح دوانيه عامه عقب تهين روادها
بعدم الرد عليهم كانهم غير موجودين
لو فى معرفه سابقه او زيارات متبادله
يهون الموضوع
اعتقد على صاحب البلوق حق
وهذه النقطه اللى كنت بوصلها
اخيرا لى عظيم الشرف
باضافتك لى على القائمه
وكنت اتمنى اسوى قائمه عندى بس
اخييك عليمى كمبيوتر
شرفتنا بزيارتك
تحياتى
بوحمود
ليش ما تفسر تصرف راعي المكان بانه نقزة حق ضيف غير مرغوب فيه او ثقيل دم ؟؟
الناس مو سوا ...ومو شرط انه راعي المكان مايعرف يوجب ...احتمال واحتمال كبير انه الضيف مو كفو
ولا انا غلطان ؟
تحياتي
عزيزي
بوحمود
عادي
الموضوع ما يستحق كل هالغضب والانفعال
ومثل ما يقولون
العفو عند المقدرة
قلبك كبير يا بوحمود
وعديها هالمرة
وراح أحسن النية
بأن صاحب الديوانية
ما انتبه
صج انه طوف اثنين مو واحد
لكن نمشيها انه ما انتبه
عموما
حبيب قلبي
اللقب اللي تشوفه حطه
لأن ما عندي عيال
لأني أساسا مو متزوج
الحمدلله
عزيز وحبيب
يا بوحمود
هلا بو صالح
هالمره اعتقد انك غلطان
فالموضوع حصل لى شخصيا
وما اعتقد انى مو كفو
او انى ثجيل طينه او دم
وكذلك حصل للاخ سلوقا
واعتقد انه هالانسان قمه فى الاخلاق
والذوق والاحترام والاحساس
اذا راعى الدوانيه يعرف يوجب
على قولتك بس ما حب الشخص
ليش ما رد باسلوب ناشف
شخص يطب بيتك او ديوانك اول مره
وتسوى فيه كذى
اعتقد هالانسان غير محترم
ولا شاف الاحترام خير شر
تحياتى
بوحمود
عشان خاطرك
وخاطرك غالى بالحيل عندى
طافت هالمره
واسمحلى اسميك
بو عزيز
لانك عزيز جدا
تحياتى
بوحمود
فعلا البلوق مثل البيت وزوارك ضيوف فيه ولهم واجب الضيافه والحشيمه
Mamloo7a Q8ia
شرفتى المكان
انتى ضوا البلوق وحنا عندج ضيوف
انشالله نكسبج دوم
تحياتى
بو حمود
انا مادري شنو الموقف اللي انت تعرضتله او مع منو
انا تكلمت بشكل عام
عموما انت قدرك محفوظ عند اللي يعرفون قدر الرياييل فلا يهمك الباجي
تحياتي
اوكي اوكي ...صدت السالفة والمدونة
اقوول يا بوحمود :
العين تعرف والعقل له نسوه
اهي تربية او عادة اوعمد نسوه
اللي نساك عطه طاف ونس وه
قدرك غالي يا زين لا تهتم
انت معروف وقولك كلمة تم
شلك بالياهل والعليمي وتم
انت كبير ومهما كبر هو نون ونسوة
بوصالح
الله يعز شانك
يا بو صالح
طاح الحطب
تم يا بو صالح لمثلك وشرواك اقول تم
الحمدلله شايف بعينك كل ما جرى و تم
عفينا نسينا ولانى بغير الطيبين مهتم
شلون اقدر اقول لا وانت تبى الصالح
بو العز ودافى والحين مكحله ببوصالح
واحد منكم كافى لاجله اعفى واصالح
لاجلك قلبناها فرح لاجلك عزل الماتم
تحياتى
بو حمود
كلااااااام جدا حلو
جد خوووش بوست
و اعتذر ان كنت من غير قصد ما رديت على احد
من يوم و رايح
ادير بالي
neelaah
حياك الله
وابد ما يجى منج خطا
وانا معاج قلبا وقالبا فى معركة السوتشى
مع انى ما احبه
بس من منطلق كفالة الحريات
وهذا منصوص عليه بالدستور
ودمتى منبع طيبه وحنان
تحياتى
بو حمود
Post a Comment
<< Home