فؤادى هاج ودى اسمع..............................شى من الشعر نادر
يحركنى يزلزلنى.....................................يلبينى يقول حاضر
قالوا لى تعال ارجع.................................انت تضحك وتتنادر
وين تحصل بهل الوقت..............................شاعر يكتب لشاعر
سجال زهيرى
يحوى بعض الطرافه واللطافه
والقشمره
تلفونك................. اذا ما تبى............................ ترد على............. سكره
علامك........................منت الاول............... ولا حاشتك................ سكره
يا زينك قبل.................................... حالى ..................عسل..........سكره
شلى غيرك....................... سم الله عليك...................................... بارقيك
ما تنام الليل...................... ساهر................................. هقوتى... ارق ياك
ولا زعلان........................ ومضيع بين تفاحك.............................. ورقيك
روح اطلب................ بين نارين.................. وحسابك على............... سكره
فجاء الرد اللطيف الظريف من الاخ العزيز براك
barrak said...
لا ياحبيبي مو انا اللي لتلفوني اصكه
من غير معافر اومخازز او هواش وصكه
هذا ديناري لك صكيتلك يالغالي صكه
تبيه والا ماتبيه يكفيني عارفك
ياحلو اللي حولك وياحلو معارفك
عاش من قرى كلامك وعاش من شافك
وتدري ياخوي نثية المصك مصكه
فرديت
الله يبعدناوالسامعين عن المصكه
لا تصير بروسنا..الفلعه والصكه
تاليها....اكييد البلوج اصكه
اكون فاقد.... بالمستشفى طايح
الويه وارم..... والضرس طايح
من سالفت..... طا اااى اح
وباب يجيب ريح يا خوك صكه
كتبت هذه الزهيريه
يا مفرج الكرب............................صبرى وصل........حده
سيف الغدر منهم.....................مسلول على..................حده
جتنى مصايبهم....................وحده ورى.....................وحده
مسكين منهو .........على قلبه الهم...............................راسى
احبابه اهجروا...............كلن على درب......................راسى
احساسى تعاسه................تارس الهوجاس..................راسى
مرات دهرى ............يحدنى ومرات انا........................احده
فرد بو صالح الله يرده بالسلامه
bo_sale7 said...
خلك ياخوي صابر واترك الهم وحده
مو كل من قال انا طلع يعرف وحده
مايفيدالفيل والسكرة قطعة وحده
خلك دووم صنديد وصير للخير راسي
اترك عنك النوم وقولة عورني راسي
الدلع يبتدي بقولتها يا تاج راسي
دلع نفسك وامشي بينهم وحده وحده
فسفط راعى الفيل فيله وارتجز يقول
sologa-bologa said...
ألف مشكور يا بوحمود مهو بس وحده
طبيك وفنك ما ينكره واحد ولاوحده
واللي اهجرك هِجْره وتركه ابروحه وحده
يا بوصالح لك مني ألف تحية من راس راسي
بوحمود كفّى وفّى وكلامه بالراس راسي
إنْ كان هو مهموم جود عنده رس راسي
بوحمود وبوصالح راسين وتعيش روحهم وحده
فظهر براك على الساحه
وقال فى مستهل حديثه
barrak said...
اهداء مني لك
زهيرية المحك
باطلبك تحط حبنا عالـــــمحـك
مو بس اطلبك إلا استســـمحك
ابي بالغلط اشوفك ابلــــــمحـك
عزه قلب مات بغيابــــك عـــزّه
حامله جروح حامــــلـك معــزّة
كان خابر مثل مايعزك تـــعـــزّه
ماقول غير بس الله يســامــــحك
اخوك براك
بو حمود said...
مقبوله الهديه
يسلم راعيها
هالايام الحب حظوظ امسح وحك
خلك كثير الصبر.. ناسج وحاك
الشعر ادوا وعله..ووحيه ووحاك
وحق اللى الفه تسبق ل لامه
شوفتك عزيزه شوف الطفل لامه
ومن رد التحيه لام الله الذى لامه
جيتك عز وفرح اقبل وحياك
وجائنى هذا الاهداء
من العزيز براك
barrak said...
تعبت ياناس وياه تعبت أبي أوصله
ضاع الطريج وتهت وضاعت البوصله
تبرى وقال ماله عندي اي صله
تناساني وراح عني وقاطعني
مادرى بجروح صداته قطع تقطعني
حرام بوعده الجاذب لطع لاطعني
ومخلي هموم قلبي دوم متواصله
اهداء
فرددت
بو حمود said...
صاحبك ياالبرك هجره لا تلقيه حضره
لوهو اصيل ومحب ما نصب لك بحظره
وقلبك صوب غيره افضل وجهه وحضره
مثله كثير على كل المشارب ورد
من قل اصله فى وعوده تراجع ورد
انشد الزين روح الحدايق وشم ورد
وفلان لاترد عليه رقمه كنسله و حضره
اهدائك مقبول
وهذه هديه
عاشر الناس باحسان........................وخلى للوالدين................. برك
يا ربى يا رب الاكوان...................رزاق فى بحرك...................وبرك
ناشدك كل هم يصيب انسان...................يطخ... يفنى.................ويبرك
بو صالح...ودافى...................كلن.............غالي..................بقدره
لا تشيلون الهموم...................قاضى...............امر الله.............وقدره
اشفيكم وراكم ما تكتبون...............وكلن ..............عنده...............القدره
والتحيه لراعى الفيل وفلان.....................وعزيز قلبى ..................البرك
تحياتى
فرد العزيز براك
مسموح يابوحمود وعزيز بخيرك وشرّك
قبل الميانه ياخوي نحبك ونقدرك
هل ياعذب الكلام وخل القلوب حدرك
انا اللي مثلك قبل احترمه اقدره
نعرف قيمة الكلام اوزانه وقدره
اسمي يابوحمود بهالبوست حط خطين حدره
قبل اسمي اكتب اخوي الصغير المتبرك
وللسجال بقيه وشجون
فى بوست اخر
تحياتى
بوحمود
18 Comments:
ليش انا مو وياكم؟؟؟؟؟؟
دافي الحافي على السطح منحاشي
مشالله
تبارك الرحمن
تدري شنو حسيت؟
ابي اتربع
وايب لي استكانه جاي مخدر
واقرا سوالفكم اللي توسع الصدر
:)
انا وايد اقدس الكلمه
وعندي كل كلمه لها معنى وروح
فلما اشوف ناس برقيكم وانتقائكم لالفاظكم فعلا انبهر
مشالله مشالله
:)
دافى
خلاص البوست الياى
فى قبوط فى مرقوق
ومرزوق يسلم عليك
تحياتى
بو حمود
EsTeKaNa
نورتى المكان
وانا سعيد ان البوست عجبك
الزهيرى فن جميل نتمنى من الشباب
الانتباه له حتى لا يضيع
شاكر ذوقك
وفعلا يبيله شاى مخدر
بقول لهم يشبون الفحم
تحياتى
بو حمود
ما أقول إلا ماشاءالله تبارك الرحمن عليكم زهيرياتكم واااايد حلوة لأ موبس حلوة تينن بعد.. بوست رائع يابوحمود الله يعطيكم العافية إنت والشباب على هالردود بالزهيريات الأكثر من رائعة
عساكم دوووم عالقوة يارب
:)
ana_sokkarah
سعيد ان الزهيريات عجبتك
وانشالله في مفاجئة قاعده تنطبخ
على نار هاديه
بس انشالله تستوى خلال اسبوعين
تحياتى
بوحمود
:))))
الله يغربل ابليس عدوك
يا بوحمود
الحين انت وبوصالح وبراك
شعراء صج
انا مجرد متطفل
شكو حاطني وياكم
!!!!
بس والله ضحكتني
أهم شي اني سفطت الفيل وارتجزت
اشدعوة أبرهة في سوق عكاظ
:)
انت الخير والبركه
يا راعى الفيل
انا سعيد ان البوست عجبك
عاد تدرى
سوق عكاظ خوش فكره حق بوست كوميدى
نجمع فيه الشباب بكراكتيرات مختلفه
تحياتى
بوحمود
مشكور يابوحمود
ووجود اسمي في مسوداتك فخر وشرف لي
بالنسبة لقصيدة المحك كتبت من قبل في اه يابلد وبعد ان تعرفت عليك واحسست بانك تقدر الكلمة نشرتها عندك
بالنسبة لبوصالح الله يشافيه اولا
وهو مبدع واستاذ لنا
وسولوجا بولوجا طول عمره متواضع رغم امكانياته اللفظيه والشعريه
مسودات بوحمود هو بيت المبدعين
شكرا لكم
وتراك كل يوم تحرجنا ياخوي
عزيزى براك
انت ركن اساسى فى المكان
المكان مكانكم جميعا
قبل لا يكون مكانى
والمكان فعلا يزيد شرف بوجودكم
ومساهماتكم الفعاله
خصوصا ان الغايه وحده
وهى الخروج عن المالوف
واعطاء الاخرين فرصه للقراءه
والمشاركه فى شىء يبتدعونه
ويحسون بجماله من خلال السجال
الشعرى والزهيرى اللى غايتنه
الالتفات له وتسليط الضوء
عليه ليبرق ويرفرف فى سماء
الغاليه الكويت مره اخرى
بشكل واسع
تحياتى
اخوك بو حمود
عسى ما شر
بوحمووووود
شالغيبة الطويلة
!!!!!!!!!!!!!!!!!!!!!!
!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!
عزيزى sologa-bologa
ما شر يا خوك
بس الربع الله يخليهم
صار لهم كم يوم
يلزمون على
لازم نشوفك وما تخلص سوالفهم
الا عقب نص الليل
واخييك يرد البيت متليش
ايدور المخده
بس الايام القادمه
راح انظم الموضوع
وتسلم على السؤال
استاذى الفاضل
تحياتى
بوحمود
الحمدلله
أشوة طمنتي
الله يعطيك الصحة والعافية
صحيح طولت يا بوحمود، انا في ابوظبي و الديرة هني بايخة حده ما في احترام للمواعيد 60 ساعة مدة رحلتي 20 ساعة فيهم انتظار قبل اجتماعات
انا الحين في الطريق الي الكويت اكتب لك من قاعة مطار بوظبي
بانتظار بوست حلو و ياريت يرفع اسعار البورصة
تحياتي
هلا والله بدافى
نورت الديره
فقدناك اليوم عالريوق
مازال مرزوق يسلم عليك
جاكى خذت مكانك
بانتظارك الاسبوع القادم
مع رؤيه بحريه جديده
تحياتى
بو حمود
da Vinci
بعد اذنك يابوحمود اخذ الصفوة ونور للاستثمار المالي وادعيلي
عزيزى براك
صار لى كم يوم بعيد عن الكتابه
بس ما قدرت اقاوم الكتابه
يوم شفت زيارتك
اذنى وخشمى لك يا غالى الصفوه
بس النصيحه مقرمته ولا فكر صفوه
بميه واربعه حلوه بس لا تصير صف و
ندعيلك عل ربى يطرح فى قلبك النور
بحق مفاتيح السور ونور على نور
كل ما هل قمر ومع شقة النور
باذنه اشترى باكر نور مع الصفوه
وشاكر
النصيحه
بس على فكره اشكثر مدة التوصية
وشنهى الاهداف
تحياتى
بو حمود
ترى رديت عليك بالمكان اللي انت خابر عشان لايطيحون علينا
ماأوصيك دش وانت متلثّم
Post a Comment
<< Home