فؤادى هاج ودى اسمع..............................شى من الشعر نادر


يحركنى يزلزلنى.......................................يلبينى يقول حاضر



قالوا لى تعال ارجع...................................انت تضحك وتتنادر



وين تحصل بهل الوقت.................................شاعر يكتب لشاعر




فتذكرت زهيرية الضويحى رحمة الله عليه وهو يقول




له معـدنٍ كالذهـب زلات مـا ظـن لـه

يا زيـن مستقبلـه ويازيـن مـاضـنٍ لـه

واضح وضـوح العَلـَم لـو تِهْـتْ ماضِلّـه

كريم نفـس وبطـل وقـت الفعـل ماضـي

يأبى المهانـة جـزوع بحاضـر وماضـي

فعـل الرجـال افعلـه و بخطتـه ماضـي

أبصم بعشـري وغيـر العشـر ماضٍ لـه


فعلا لقد ابدع الرجل


وكذلك ابدع فهد بورسلى حينما قال





يا صـاح عد الرفاقـا بالحكـي عدهـم

وتعرف ربع الرخـا مالك قـدر عدهـم

ربـع الفراغـات عنـد النايبـه عدهـم

الطيـب محفـوظ عنـد رفاقتـه وهلـه

ترجى اهل كيف حـالك مرحبـا وهلـه

خالف هواهـم وقلبـك بالصبـر وهلـه

لو كنت ظميـان لا قـادر على عدهـم




وكذلك رائعة عبد اللطيف السلطان




الـروح كـالسـايبـه والعقــل راعيـها

راعـي بصيـره بعيـن الحــق راعيـها

يـا ظـالـم النفـس بالانصـاف راعيـها

لا تهيـن المـدركـه وتقـول هـذا قـدر

رابـي بعـز ولا لي علـى المذلـه قـدر

عندك دنـاءة نفـس وتريـد عـز وقـدر

نفـس الـدنيـه تطـيّـح قـدر راعيـها




يقول حمود البدر لا فض فاه



ما اغفر انا خطاك وحبك بالضمير انـزاح

من حيـث حـب بقلبـي بـرا وانـزاح

نسيت ذاك الطـرب واللعـب والامـزاح

من بين الاحبـاب ليـه تحكـي علي بـد

انكرتنـي ليـش شـافعلـت أنا من بـد

الضرس لى من رقـل من شلعتـه لابـد


انظر إلى الغيم لى هب الشمـال انـزاح



ونختم بالذهب

ومقطوعة المبدع عبد الله الفرج


أراك يـا زيـن بالفرقـا علـي أخطيـت

ابعـدت لامـاك عنـي بالنبـا أخطيـت

مثلك يسامح زلتي لى من عليك أخطيـت

مفتـون في حبكـم من يـوم أنا خطـي

إن بعتنـي بالهجـر لاشريـك بالخطـي

كل ما هبشت القلـم باكتب لكـم خطـي

سالن دموعـي وامحـن كل ما خطيـت




الصراحه شى يثلج الصدر قراءة هذه الابداعات

حكم جماليات لفظيه

مزج للحياة اليوميه بالكتابة لنعيش تلك الحقبه والموقف

الذى يحس به الشاعر

تاريخ موثق بالصور المكتوبه

تحياتى
بوحمود