علمته الرماية كل يوم....................................................................فلما اشتد ساعده رمانى
وكم علمته نظم القوافى......................................................................فلما انشد قافية هجانى
تجربه شخصية
اشكثر ناس وبشر تعلمهم ويا زينهم وهم يتعلمون اسرار مهنه او صنعه تفيدهم كتاكيت مطيعين
تعطيهم من قلبك وتبذل لهم وحتى بعض المرات تساعدهم لانشاء بداياتهم الفعليه للوقوف على اقدامهم
تروح بين فتره واخرى تشيك على سير امورهم وان كل شى تمام
بعد وقت تلاقيهم وقفوا على ريولهم تمام وامورهم المادية صارت رائعه
بس للاسف يبتدون يتكبرون وتشين نفوسهم خصوصا انهم صاروا اقوياء جدا بالسوق وكلمتهم مسموعه
والفلوس صارت عندهم كثيره
وفجاه بعد فتره يبتدون يقللون من قيمتك وفهاميتك وان خبرتهم اهم تفوق خبرتك
ويتناسون انك انت اللى علمتهم
وقد يقولون من وراء ظهرك انك ما تفهم
تصدقون صار لى هالموقف كذا مره
عجبى
تحياتى
بو حمود
posted by بو حمود @ 9:39 PM
14 comments
14 Comments:
الناس أجناس وكل واحد يعمل بأصله
منهم رفيع الشان ومنهم ما يسوى بصْلةْ
اللي يعزك عزه ودوم اسعى بوصْله
واللي تنكر اتركه ومن قربته إبرا
يجرحك لحظة لكنْ جرحه بساع يبرا
ألم ساعة وينتهي مثل وخز الابرة
أما جرح العزيز كما النار اللي تصلى
الله يبعد عنك هالأشكال اللي
تنكر الجميل وما ترده لأهله
وأشكرك على الزهيرية الحلوة
في البوست السابق
وذكركم لفيلنا الجميل
:)
This comment has been removed by a blog administrator.
هلا بالغالى
الصراحه صاير تخرع
زهيرياتك عجيبه
انشالله بس افضى شوى ننفذ مشروع الزهيريات المسموعه
خبرك اللى يقرا الزهيريه لازم يكون
ملم بالمفردات وبمخارج الحروف والتشكيل
والمقصود وللاسف فى هالوقت جيلنا الصاعد
يبيلهم شوى توعيه عشان نردهم يحبون
فن الزهيرى ويفهمونه ويتذوقونه
والصراحه البوادر الايجابيه موجوده
منهم ولازم يصير لنا احنا
انا وانت والطيبين امثال براك وبو صالح
دور فى مساعدتهم
ومحاولة احياء هذا التراث الجميل
عموما
للاسف الاداب العامه صايره قليله
والوفاء اقل واصول المهنه معدومه
يعنى انا ممكن ابيع بكلمه واشترى بكلمه
وهذا اللى كان حاصل قبل
بس الحين عقود وشيكات وهم يغشونك
الماده للاسف طغت
والله المستعان
اخوك
بو حمود
الله يعطيك العافية
على هالمشروع الطيب وتوصيل هالفن
للجيل الصاعد والله الجيل الحالي قبل الصاعد
والنعم والله فيك وفي براك وفي بوصالح
وانا معكم قلبا وقالبا وجهدا ووجدانا
ودمت عزيزا
تذكر قبل 15 سنة او اكثر قبل ماتسافر مونبليه وانا معاك في السيارة شنو كانت وصيتي لك قبل ماتسافر....ايضا انت تعلمت مهنة و برعت فيها كلها اسرار و السر في الكلمة و العقل عند العاقل نعمة...العاقل من جمع عقول الناس الى عقلة و العالم من جمع علوم الناس الى علمة....لا تحزن الغباء انواع اخطر نوع فصيلة الغبي المتذاكي هذا النوع وايد موجود منه بس انت اخبر الناس بالمعادن و الأحجار ...يعني تعرف الرجال من نظرة وحدة خصوصا في السوق..لا تعلم اسرارك الإ لأقرب المقربين و هم ينخاف منهم....بوحمود لا تحزن الشجرة المثمرة ترمي بالحجارة لأخذ الثمر منها ...طز طز وبعد طز في هذي الأشكال
تحياتي
دافي
استاذ دافى
كلامك دائما صائب
ونظرتك مستقبليه ثاقبه
اشكر نصائحك الغالية
تحياتى
بو حمود
fe3lan fe nas wayed chithy lel2asaf o fe kel majaal mo 3aib el ensan yet3alam mn ghaira kha9atan fe bedaita el 3aib ena yensa fathel mn 3alama
wala ehemek bo 7amood ethahab yebga thahab o se3ra yom 3an yom ezed wenta ethahab
nice post o thanks 3alaih
عاد بو حمود
انت ما سمعت المثل اللي يقول
على الاصل دور
انا جدام عيني شفت و سمعت
يوم الاول يقوله
اشفيك لهالدرجه
يا خوي لا تنسى اني انا اللي معلمك الشغل وانت اصغر واحد فينا قبل و تذكر يوم ووووو
تدري شنو رد عليه
قال الصغير يكبر
بكل وقاحه
هالكلام صار بين موظف قديم و مسؤل عنجهي صغير شغل بالواسطه طمر عليه
قمت اتحمد ربي
واشوه مو انا
والا كان فالعه
تحياتي بوحمود على المدونة الجميله
يبيلك كورس بتنسيق المقاله وتكبير الحروف
ترى كلنا بدينا بهالطريقه
تحياتي مره ثانية
enter-q8
تصدق ياخوي عرضنا عليه خدمات و ببلاس بس راسه يابس مثل الألماس ، اكرر مرة ثانية يا بوحمود خلنا نسوي لك عملية تجميل ونلبسك بدلة تكسيدو بدل الوزار و الفنيلة الكابتن
تحياتي
دافي
الهاشمى
حياك الله نورت المكان
فعلا الذهب يبقى ذهب
اذا تبى الصج انا زعلت لان الاشخاص
اللى اخذت بيدهم وساعدتهم للاسف اعرفهم
من زمان ولا توقعت ان الفلوس تغيرهم
يقولك ثلاث ما لهم غفاريه
عاق الوالدين
المشرك بالله
من قابل الاحسان بالاساءة
مشكور على الزياره
وانشالله نكسبك دوم
تحياتى
بو حمود
هلا بو وليد
نورت المكان ومشكور على الاطراء
وزين ما فلعته
التنظيم فى الكتابة
والتكبير والتصغير والالوان
صج يبيله
بس المشكله انى عليمى كمبيوتر
على الرغم ان اول دورة اخذتها
كانت سنة 88 بالجامعة
بس ما ادرى اشحقة فى عداوة ازلية بيناتنا
بس احاول ان شاء الله
وعزيز يا بو وليد
تحياتى
بو حمود
هلا دافى
موافق على قبول المساعده
بس ما ابى البدله التكسيدو
خبرك احب المناظر التراثية الاثرية
ابى الطريقة الامثل والاسهل
اللى من خلالها نقدر ننزل ملفات صوتيه
على البلوق حق الزهيريات
اتعب لى على هالشغله
وانا قاعد احاول ايضا
ومشكور يا الزعيم
تحياتى
بو حمود
على قولة اخواننا اللبنانيين :
بدك تطول بالك
bo_sale7
صحيح انى عصبى شوى
بس صدقنى راعى طويله بالحيل
المساله كلها انى كنت كاتم الموضوع
فتره والصراحه ارتحت يوم شاركتكم فيه
وشاكر نصيحتك
اخوك
بوحمود
Post a Comment
<< Home