الفلوس غيرت النفوس
اذ غضب الله على عبد رزقه من حرام
واذا ازداد غضبه عليه بارك له فيه
فى اخر يوم من السنه الهجريه
وبدايه سنه اخرى قمريه
ندعوا للجميع بالصحه والسعاده
ونرسل رساله علها تكون ذكرى
لمن انغمس فى ظلم الناس وغشهم
والتسلط عليهم وسلبهم اموالهم
بالتدليس والغش والخداع
الله يبارك لك حرامك...... ياللى فى بالى
هذا انت الاول ظاهر حلو وباطنك بالى
وش تنفعك الاموال وهى فى قبرك وبالى
ياللى بالحيله تعيش ترى لك والفقر موعد
كل شى فى هالدنيا حساب وكتاب و عد
لا تفرح كثير يا مخلف كل ما اوعد
قالوها قبل مره حمار على الاسد با ...ى
تحياتى
بوحمود
posted by بو حمود @ 9:57 AM
10 comments
10 Comments:
كل عام وانت بخير
وعساها سنة خير على الكل
ايه والله يابو حمود
الفلوس يننتهم
والأهل قاموا يتخانقون ويتحاربون على الفلوس
والاخو يبوق اخوه
واللي قبل فتره كتبوا عنهم في الجرايد
اللي حبسوا ابوهم وعذبوه علشان الفلوس
حسبي الله على الفلوس اللي تسوي فيهم جذي
ومع الأسف يا وخيي انهم ما يدرون ان الفلوس تروح وتجي بس الحرام يروح وياخذ معاه
اللهم قنعنا بما رزقتنا وبارك لنا فيه
شلك بالفلوس يا بوحمود تراها ما تسوي شي
تروح و تيجي اكثر و اكثر لكن اللى يبقي لي ولك الذكري الطيبة و المتعة اللى تحققت من الفلوس لو تقيسها راح تشوفها لا تعادل الفلوس ابدا
كل عام و انت بخير
انشالله تزيد ثروتك
ويبارك لك برزقك
وتتهني بعيالك
وتتمتع باموالك
ادري انك مطرب نفسك
عيش كما انت ملك
ترا الدنيا من حولك تسير مالها شغل فيك
غتم الفوائد و الملذات حولك
تحياتي
و سلامات بوحمود
دافي الحافي
الحرام اوله حلو واخر مر وعلقم
مثل الحلاو اييك كبير متروس مدلقم
تفج الورق تلقى من كل لون ولقم
الحلال راحة هنية وخلى وسعة بال
لا تضيع كلامك ومشيك تصير من الامثال
اتركها لربك يغيرها من حال لحال
يكون العبد بصحته يصير ببلى وسقم
تحياتي
مملوحه
الله يسلمج من كل شر
الناس حتاطع بعض
غش خداع تدليس
وياريت احد ضامن عمره
تاليتها متر بمترين
وقماشه بيضه بنص دينار
لو الادمى يفكر عدل ما يسوى سواة شينه
بس الاعين عليها غشاوه
الله الهادى
تحياتى
بو حمود
دافى
الحمدلله الله يديم علينا الصحه والعافيه
ويبعدنا عن ما حرم
ولازم تونس نفسك بالفلوس خصوصا
فيما تحب ولا شفايدة الفلوس
بس ارقام
تحياتى
بو حمود
اى والله يا بو صالح
الحرام اوله حلو وتاليه مر وعلقم
الله يكافينا
وصح لسانك
تحياتى
بو حمود
صح لسانك يا العزيز الغالي
السموحة يا خوك قطعنا عن مدوناتك
ومسوداتك العجيبة
وبصراحة قريت بوستك السابق عن بوعبيد
ما أدري اشصار بعيوني
:)
زهيرية جميلة جدا
إي والله
وش تنفعك الأموال وهي في قبرك وبالي
ليت بعض الناس يعتبرون
وعجبني هالشطر
وقالوها قبل مرة حمار على الأسد بالي
ودمت أيها الصديق الصدوق
وأبعد عنك شر بوعبيد
هلا بالغايب الحاضر
عن القلب ما تغيب طال عمرك
دوم حاضر
صح بدنك
والله يبعد عن الجميع شرور الحساد
تحياتى
بوحمود
وينك
وين فنك
تراك طولت غيبتك
بانتظار ابداعك و شعرك
بوحمود فنان برسم الحروف على كيفك
تحياتي
دافي
بوظبي
ماخذ راحه كم يوم
شلون بو ظبى
Post a Comment
<< Home