مبهمه
كلن قاضب سرا.....وماخذ له دور
اللى حصل ملحق..واللى شقه..واللى دور
ابطال القصه نفسهم...ما تغير اى دور
الله يعين منهو ....كل شى عنده عام
ماسك طرف قشه....اما طبع..ولا عام
تركض فيه الليالى...وعامه يجر عام
لابد يجى موعد......والدهر حقهم يدور
تحياتى
بو حمود
14 Comments:
ما شاء الله عليك يا بوحمود
كالعادة مبدع
ياليت الناس تستغل العمر والوقت في شي مفيد ينفعها في دنيتهم ويرفعهم في آخرتهم
لكنهم يركضون ويلهثون بدون لا يوصلون لي شيء والوقت يجري بسرعة بدون اي فايدة
Jacky1220
thx
Mamloo7a Q8ia
دائما اسعد عند قراءة تعليقاتج
شكرا
لو تركض ركض الوحوش
غير رزقك لم تحوش
تحياتى
بو حمود
By the way the jacky there is not me. so Do not mix us up :s
كلام كبير
هذا اللى يريح القلب
ان تكون الكلمات وصلت
شاكر ذوقك
تحياتى
بو حمود
مبروك الكهرباء
دافي
الله يبارك فيك
صح لسانك
يا شاعر يا إنسان
ان شاء الله يجي الموعد
ويدور الحق لاصحابه
والله يعينهم
اللي ينتظرون دور للاسكان
وصح لسانك مرة أخرى
ودمت بحب وبود وبخير
عزيزى بو عزيز
صح بدنك طال عمرك
وسلمك الله من كل شر
تحياتى
اخوك
بو حمود
قاعد بالحوش واسمع همس من فوق السور
تراولي غيمة تتنهد ولا غراب مضروب بشيمة
اتلفت ما اشوف الا ورد مقطط منثور
قلت افاه حتى الورد عندهم مابقاله حشيمة
شردت بايام قبل والسفر بالقبة والبحور
قلت الحمدلله راحت وعساها تتم قديمة
يا بوحمود المبهم اهو اللي منخش بالصدور
مو اللي مكتوب بحروف وارقام عديمة
تحياتي
يا بو صالح بردت قلبى
جزاك الله خير
الرجال الصدق قدرها
بالقلب محفور
اشكرك عد الحصى وعد ما
لاح بالسما طير
انا اهديك منى تحيه
حدرها الدر منثور
بشوفك اسفرت وانورت
وهلت تباشير
غالى والغلى يرخص
للصاحب المذخور
واقبل سلامى واحترامى
وكادى ونوير
وزيدهم موده ومعزه
بافلاكك تدور
اشكر لطفك
تحياتى
بو حمود
هذا لسان كلمن عانى من الاسكان
جود ظاجت الديره ونوصل لمسكان
ولاالحبيب اشتكي اللي لمرته سكان
عله يشوف الحل الصاحب المنسي
يصلح حال البلد لجنسه وجنسي
اونغني لعيالنا ما غنت نانسي
اطبب على علتي وادلع على السكان
وسلامتك
3ateeja
صح لسانج
عدل عدل ايه
نبى نشوف ابداعات زهيريه
عتيجيه
وين منخشه كل هالمده
ما تزهرين
تحياتى
بو حمود
Post a Comment
<< Home