كنت انوى السفر بعد
عشرة ايام
تاجل السفر شهرين لظروف لا اراديه
كنت جاهز للرحيل
عشرة ايام وكفى
قلت كل همى يزول
واسقى قليبى دفا
تالى المواعيد تغيرت
وصارت اللقيا جفا
ويلاه يا جمر الانتظار
احاتى ما غاب وخفا
تاجل الموعد معاك
كل الظروف متكاتفه
كانها علينا حالفه
من سالفه لى سالفه
قلبى انا مل التعب
وده بظلال وارفه
فى قرب محبوبى انا
كل ما فينى هفا
تحياتى
بو حمود
24 Comments:
Awww, inshalla t3aweth.ha :)
شكرا
ماعليه
بوحمود الأجازات وايد بس الحين ركز على المهم الحين
و تمتع بمنظر البحر من لدور الأول خصوصا لما تكون في حاله التفكير الأبداعي
تحياتي
دافي
هلا دافى
البحر دائما جميل
كنه تصلح الكمبيوتر
:)
حاول تمر
من زمان ما شفناك
عندى لك خوش مسباح
ok
يا زين مجابل الدوة والحليب بالهيل
وقعدة الربع ولعب الهند والجنجفة
ويا حلو موجة البحر في وقت الليل
كنها خصلة شعر عيوز امعجفة
لا تصدق كلامي تراه هرج المهابيل
شيقعدك بالديرة والحالة امرنجفة
الله يسهل أمورك وأدعيلك بالحيل
تسافر وترجع ومزاجاتك متكيفه
الله يسهل هالظروف اللا ارادية
إن شاء الله
ويعديها بسرعة
وبدال لا تصير شهرين تصير يومين
ودمت أيها الصديق العزيز
هلا بو عزوز
شاكر مشاعرك النبيله
فعلا الواحد محتاج سفره
تغسل القلب
وترد النشاط والحيويه الفكريه
بس من غير خصلة شعر العيوز المعكفه
:)
مرحبا بوحمود
ماعليه عزيزي شر والله بعدك عنه..وكل تأخيره فيها خيره.. ميخالف المهم انشاءالله هالظروف اللاإرادية تتعدل وتسافر وتتهنى وتستانس وترجع بالسلامة
تحياتي لك وبالسلامة انشاءالله بس لانتسانا بالصور وتقرير السفرة
بحفظ الله
ana_sokkarah
هلا بالسكر
كنت فعلا محتاج السفره هذى
بس خيره وملحوقه انشالله
انا بينى وبين التصوير عداء ازلى
احب انى اصور الاشياء ذهنيا
واطبعها واحمضها فكريا وكتابة وحروفا
الله اشكثر مشتاق للون الخضر
ورشراش المطر
ونسناس الهوى
يمسح همومى والكدر
وارتوى من عقب الظما
امتع عيونى بالنظر
واجبر قليبى المنكسر
بشوف القمر
كامل بدر
الله يا محلا الصور
الله يعينك يا خوي يا بو حمود
ياشين الواحد لما يشفي على السفر وما تتسهل
لكن اقول انها خيرة
والخيرة في ما اختار الله
وما تدري الصالح وين
Mamloo7a Q8ia
انشالله خيره
المضحك انى لا احب السفر بالصيف
ازدحام خليجى بكل مكان
اشحلاة الديره بالصيف
ما فيها ازدحام
المكيفات بكل مكان
البحر روعه
بالنسبه لى السفر فى هذه الاوقات
مناسب جدا
شهرين مقدور عليها انشالله
يا بوحمود هونها تراها هينة
السالفة سالفة وقت وهو سهل
لا تخلي المشاعر تصير سهلة ولينة
خلك صابر وعيش الايام على امل
اذا اعتمدت بلغني يمكن اخاويك :)
هلا بو صالح
هينه انشالله
قدرت اضبط الاوضاع حق سفره ثانيه
حياك الله معانا
بس عسى البرنامج ييوز لك
السفره من 28مارس الى 17 ابريل
قدرت انظم موعد للدورات مع البروفيسور
طبعا راح يكون معانا اثنين من الربع
المعالجين بالطاقه
راح ناخذ دوره فى التامل مدتها عشر
ايام ودوره فى الشى كونغ ودوره
فى الريكى المستوى الاول لى
والربع دورات ماستر
الدورات تبتدى من الساعه تسعه صباحا
وتنتهى الساعه سبع مساءا تقريبا
انشالله راح نخلص الدورات
كلها خلال 12 الى 14 يوم
وانا راح يكون عندى سفرتين مدة يوم
كل مره لبورما لبعض الاعمال
اذا كنت ترغب بالدورات قولى ارتب
لك تكون معانا
واذا مالك فى الدورات نقدر ننظملك
جلسات علاج بالطاقه راح تحس عقبها
انك انسان جديد
وانت تامر امر طال عمرك
اخوك
بو حمود
فى قرب محبوبى انا
كل ما فينى هفا
الله عليك
هلا ببراك
اشتقنا حق تعليقاتك الجميله
تحياتى
بو حمود
همممممممممممم
وقت السفرة راح يكون متعارض مع مشاريع اخرى بالنسبة لي
راح ارتب معاك حق سفرة ثانية او اخذ منك الوصف وادبرها بنفسي
شكرا على اهتمامك
على فكرة ...مكانك فاضي يا شيخ
تحياتي
انت تامر يا بو صالح
متى ما بغيت اعطيك المعلومات الوافيه
تحياتى
بو حمود
وفي قرب محبوبي انا
كل ما فيني غفى
الله يعين المحبين ياخوي ....
3ateeja
lol
حياك الله اختى عتيجه
بس حلوه غفى
تبين الصج الجو هالايام
يدعو للكسل انشالله مع دخول الربيع
يكون الوضع اخر والنشاط
يسيطر على الجميع
بالنسبه لى تونى راد البيت لويه
عمال ومجابل من الصبح لى الليل
ودى اروح انام بس حمود لازم
يشرب شاى اخضر معاى
ويتجاذب اطراف الحديث
وهو ياكل كتكات
امرى لله طلباته اوامر
بس زى العسل على قلبى
تحياتى
بو حمود
عسى المانع خير
فاقدين مسوداتك
من طول الغيبات
-
-
-
-
جاب الغنايم
نااااطرين الغنايم
يا بوحمود
Mamloo7a Q8ia
هلا بالملح كله
ماكو الا كل خير انشالله
كل ما فى الامر
انى مريح حبتين
عندى شويه مشاغل لفتره مؤقته
وقد قاربت على الانتهاء
شاكر سؤالك
تحياتى
بو حمود
من طول الغيبات
جاب الغنايم
على فكرة
هل الكلمة الصحيحة
جاب الغنايم
أم
جا بالغنايم
يعني
جاء بالغنائم
؟؟
ودمتم بصحة ورفعة وعزة
sologa-bologa
حيا الله العزيز بو عزيز
ملاحظة جميله ودقيقه
يصح المعنى بكلا الحالتين
اليوم الجو جميل وشاعرى
وبه لمحات ربيعيه
وان كان به بعض الشحنات السلبيه
كعادة هذا الوقت من السنة
ننتظر الربيع الشهر القادم
وبقدومه نتامل انجلاء الهموم والكسل
عن كواهل المتعبين
دائما تتجدد السعاده
بمجرد رؤيه اسمك منقوشا
على صفحات البلوق
تحياتى
بو حمود
أيها القريب الأريب
أيها الشاعر الأديب
أخجلتني بكلماتِك
فوصفُك بها عجيب
هب نسيمُك بعطرِهِ
وشدا بلبلُك طريب
لا أملك وصفا أصفكَ
فأنت ذو عزم صليب
جد أخجلني كلامك
وتحياتي
Post a Comment
<< Home