مثلك انا سامر حبيبى بريحاتى على اليال
هوجاس فكرى بين السحب طايرن يال
مدرى نهارى سلوتى مدرى نجم وليال
بس ادرى انى بشوفتك قلبى يحس راحه
مثل المتاريس ليمنها ارهمت دايره براحه
يقولون كل شى ينكتب عالجبين والراحه
وانا حبك بقلبى وسم وبكل الشرايين يال
تحياتى
بو حمود
28 Comments:
صح إلسانك يا بو حمود أمتعتنا الصراحة عساك على القوة
صح بدنك
الله يقويك
مشكور طال عمرك
شرفتنا بالزياره
وانشالله نكسبك دوم
يا سلااام يا خوي
زهيرية حلوة
امتعتنا بهالكلام الحلو
تسلم الايادي
الله يسلمج من كل شر
تستاهلين الطيب واكثر
شاكر لج
بوحمود هذا تأثير جو بو الحصاني
تحياتي
دافي
هلا بدافى
عندى لك ظرف امانه
قولى متى بتستلمه
او دق على احسن
ولا تنسى الحلاوه
:)
هلا بوحمود
والله طلعت منت هين وتكتب زهيريات
ابصراحة جدا جدا ممتعة هالزهيرية
اتمنى تمتعنا بزهيرية عن اعضاء مجلس الامة والاحداث اللي احصلت قبل جم يوم
اعتقد يبيلها ازهيرية ولا انت اشرايك؟؟
تحياتي يا حلو
Doctor
حياك الله
سعيد جدا ان الزهيريه يازت لك
وغالى جدا استاذى
وما طلبت شى نكتب لك زهيريه
باعضاء المجلس مع انهم ما يستاهلون
:)
بس لاجل خاطرك طال عمرك
فى اقرب وقت فراغ عندى
اذا قدرت لما ارجع البيت الليله
او بكره
تحياتى
بو حمود
عزيزى الدكتور
الزهيريه خالصه من امس الليل
راح انشرها بعد اسبوع ليما زهيرية
المتاريس تاخذ حاصلها
تحياتى
بو حمود
صح لسانك
الله
يا محلى هالحجى وهالكلام
صح إلسانك بوحمود
حمودي
صح بدنك
حياك الله المكان مكانك
Aldenya
حياج الله وحلت دنياج
مشكوره على الاطراء ويعل نكسبج دوم
مثل المتاريس ليمنها ارهمت دايره براحه
ياحلو حجيك ياحلة اختيارك للألفاظ الكويتية
بعد غياب طوي لاأعرف هل هو قصور منك او مني
ولكن ماتغير في الموضوع انك اصبحت اكثر ابداعا
بس ارجوك لاتخلي المسودات بس زهيريات
تغنى وغرد وغير وادخل بعالم الشعر المتناثر لان الشعر يبدأ منك
ايها الاستاذ
عزيزى البرك
مشكور على الاطراء الجميل
وطلباتك اوامر طال عمرك
اخوك
بو حمود
صح لسانك يا بوحمود
طول عمرك استاذ
وكنوع من التحرش لفنك اللي ما أوصل ربعه
أقولك
وأنا هناك بعيد بعيد بأميال
الفكر صوبك سارح مايل اميال
ما سحرني بحر ولا انبهرت إبيال
ولا همتني النجوم وسط السما لامعة
وأقول ليش الدنيا لا معي ولا معه
ليتها علينا تحن وتكون جامعة
ومهما افترقنا دهر لابد يجمعنا يال
وتحياتي المبخرة والمعطرة
ودمتَ بحب وود
عزيزى بو عزوز
سررت جدا عند قراءة
زهيريتك الجميله
وسررت اكثر لسماع اخبارك
متع ناظريك ببدائع صنائع الخالق
خضره وماء ووجه حسن
عساك دوم مبسوط ومرتاح
واغسل جبدك عدل
انسى اى هم او مسئوليه
تحياتى
اخوك
بو حمود
طالت الغيبة بوحمود
عسى ما شر
؟؟
تحياتي وقبلاتي
ما شر يا خوك
شوية مشاغل
صج مكانك خالى يا بو العز
ولك وحشه
تحياتى
اخوك
بو حمود
طولت الغيبة علينا عسى المانع خير يا خوي
وينك
وينك
وينك
This comment has been removed by the author.
This comment has been removed by the author.
Mamloo7a Q8ia
هلا فيج يا ملح الخليج كله
والله يا اختى الفاضله
المانع خير ان شاء الله
مشغول حدى بتاسيس مشروع جديد
صغير على قدى بس ما توقعت
ان الحصول على ورشه صعب لى هالدرجه
على قولة اخواننا المصريين
ما فبش خرم ابره بالشويخ الصناعيه
الا بخلو وما الى ذلك
ويستمر مسلسل البحث
سعيد جدا بسؤالج
وانشالله نعود قريبا بعد الانتهاء
من لوية البحث
والتفتيش
اخوج بو حمود
da Vinci
ان شاء الله قريب
تحياتى
بو حمود
مساك الله بالخير
أتمنى إنك بخير وصحة وعافية
يا خوي ترا
صج طولت الغيبة
أكثر من شهرين
واحنا لي الحين ناطرين
لا اطول أكثر من جذي
ودمت بحب وود
sologa-bologa
بو عزيز تامر امر
ما طلبت شى
نرد لاجل خاطرك
وخاطرك بالحيل غالى
اخوك بو حمود
اقتباس : [وانا حبك بقلبى وسم وبكل الشرايين يال]
روعـــــــــة
صح لسانك
Post a Comment
<< Home